Giudicarie.com

il quotidiano delle Giudicarie

Dom09242017

Last update08:46:00 AM

Font Size

Profile

Menu Style

Cpanel
orchidea festa della donna

Festa della donna

Ma le dòne le à capì che ghèra vergùgn che lé compréva...

Ma le dòne le à capì

che ghèra vergùgn che lé compréva

e che i voléva farne vergót

da giugàr e da comandarghe;

e alora le à tirà sù le rèce

e l'è s'è mèsse a molàr giù sbèrle

e a far vedér i pugn.

Le s'è mèsse a osàr, a fàrse sentìr,

a reclamàr "diritti" de qua e de là,

a volér comandàr ànca èle

e a portarghe via 'l scagnél

da sóta 'l cul a quèi prepotenti de òm!

Le à lassà lì i camp e le stale

e le s'è mèsse a lavoràr entàle fàbriche

e a sentàrse giù entài ufizi dei òm,

a far le caposale 'ntài Ospedai

e le comandanti 'ntale botèghe.

Le è nade perfìn a far él soldà

e ànca én politica, al Parlamento.

Lasóm én banda quèle del teatro,

del cinema, quèle che vól balàr

e ànca quèle che canta de dì e de nòt:

tuta na gèrla piena de brave dòne

che lé vól sól far tuč conténč

quèi che le vàrda e i le scólta.